JSM 19-82 is ʼn potensiёle stoetbul met ʼn sterk kop, breё bek, goeie skof-ontwikkeling en verdonkering. Die bul het breedte, diepte en kapasiteit. Sy oogspierwaarde is 114, en sy vetwaarde 116. ʼn Goeie skede en skrotum dra verder by tot ʼn funksioneel doeltreffende bul.
JSM 19-82 is geteel uit V16-117 wat met groot sukses in verskeie kuddes gebruik is. Sy seuns het besonder goed gevaar in die fase C-toets by Sernick Toetssentrum en het uitstekende pryse by die Hoёveld Bonsmara Groep-veiling behaal.
JSM 19-82 het uitstekende teelwaardes:
Kalfgemakswaarde: 103
Speenkalfwaarde: 103
Vrugbaarheidswaarde: 110
Koeiwaarde: 111
Groeiwaarde: 96
Karkaswaarde: 103
Hierdie bul sal wesenlik bydra om ʼn klimaatsverdraagsame, laesorgkudde te teel.
